Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի 16 դ․

Ադրբեջան / Հյուսիսային Արցախ / Գետաբեկ / Մեծ Ղարամուրատ

Ճարտարապետություն

Եկեղեցին ունի եռանավ բազիլիկի հորինվածք: Երկթեք ծածկի տակ առնված թաղածածկ տանիքը ներքուստ պահում են մեկ զույգ քառակուսի կտրվածքով սյուներն ու որմնասյուները: Կիսաբոլորակ եզրագծով խորանի երկու կողմերում ուղղանկյուն հատակագծով մեկական ավանդատներ են: Թաղակիր բոլոր կամարները սլաքաձև են: Մուտքերը բացվում են արևմտյան և հյուսիսային ճակատներից, լուսամուտները՝ արևելյան (3), հյուսիսային (2) և արևմտյան (1) ճակատներից: Եկեղեցին կառուցված է անմշակ և կոպտատաշ քարով, կրաշաղախով: Սյուները, որմնասյուները, թաղակիր կամարներն ու անկյունաքարերը սրբատաշ են: Պատերի մեջ ագուցված են խաչքարեր, որոնց մի մասն արձանագիր է:

Սամվել Կարապետյան, Հյուսիսային Արցախ, Երեւան, 2004, էջ 95-96:

Արձանագրություն, Հայերեն, Փորագիր, Հիշատակագրություն

Մուտքի ճակատակալ քարին, եղծված՝ 1 տող.
Սուրբ խաչս Մար...
Հրատ. Բարխուտարեանց Մ., Արցախ, Բագու, 1895, էջ 310: «Դիվան հայ վիմագրության», պր. V, կազմեց Բարխուդարյան Ս., Երեւան, 1982, էջ 274:
Ծանոթ. անձնանունը կարելի է վերծանել Մարգար, Մարիան և այլն:

Սամվել Կարապետյան, Հյուսիսային Արցախ, Երևան, 2004, էջ 97:

Արձանագրություն, Հայերեն, Փորագիր, Հիշատակագրություն

Մուտքի ճակատակալ քարին.
Սուրբ խաչս Ամիրխանին:
Հրատ. Բարխուտարեանց Մ., Արցախ, Բագու, 1895, էջ 310: «Դիվան հայ վիմագրության», պր. V, կազմեց Բարխուդարյան Ս., Երեւան, 1982, էջ 274: